Dekhi Jo Kitab E Umar Ab K Aik Aur Warq Ulat Gaya Hai

Ab Ghar Hai Na Koi Rastaa Hai
Bas Aik Chiragh Jal Raha Hai

Sab Shehr K Log So Rahay Hain
Ik Mera Makaan Jagta Hai

Totay Ye Hisaar E Shab K Ab To
Khud Se Hi Diya Uljh Para Hai

Dekhi Jo Kitab E Umr Ab K
Aik Aur Warq Ulat Gaya Hai

Aaye Rasm E Shikasta Paai Tu Ne
Dil Ko Bara Hosla Diya Hai

Utray Ga Na Qarz Asmaan Ka
Jb Tak Ye Zameen Zair E Paa Hai

Dekho To Zara Sakhi Samndr
Dariya Se Khiraaj Mangta Hai

Zinda Hai Abhi Saleem Kousar
Kis Gham Main Ye Shehr Marr Raha Hai