khud ko mitaa ke jin ko sar buland kar gaye wo log hamein dekh ke

khud ko mitaa ke jin ko sar buland kar gaye
wo log hamein dekh ke darr band kar gaye

ezn e kalaam de gaye zabaan kaat kar
azaad kar ke bhi hamein paband kar gaye


olaad ko jo khaak pe soney nahi deta
kal us ko dafan khak pe farzand kar gaye


hum jin ko nahin chaahte wo chaahte rahey
jo the hamein pasand, napasand kar gaye


pehley banaya hum ko apney teer ka hadaf
phir muskura ke hum ko razaamand kar gaye


hum log is hayaat ke booseeda kafan mei
lamhe ghame firaaq ke pevand kar gaye


wafa ke naam mei nukta hi ik tha
wo naam e wafa likh ke qalam band kar gaye